కళ్యాణవృష్టి స్తవః
కల్యాణ వృష్టి స్తవం అనేది మన జీవితంలో నిలిచిపోయిన శుభకార్యాలు ముందుకు సాగేందుకు ఎంతో ఉపకారకమైన స్తోత్రం. ముఖ్యంగా వివాహం ఆలస్యం అవుతున్నవారు, సంబంధాలు కుదరక ఇబ్బంది పడుతున్నవారు ఈ స్తోత్రాన్ని భక్తితో చదవడం చాలా మంచిది. దేవిని హృదయపూర్వకంగా ప్రార్థిస్తే మన మనసులో ఉన్న భయం, ఒత్తిడి తగ్గి, ఆశ మరియు నమ్మకం పెరుగుతుంది. ఈ స్తోత్రం ద్వారా దేవి కృప మనపై వర్షంలా కురుస్తుందని భక్తుల విశ్వాసం.
 |
| Kalyana Vrishti Stava in Telugu |
కల్యాణవృష్టిభిరివామృతపూరితాభి-
-ర్లక్ష్మీస్వయంవరణమంగలదీపికాభిః |
సేవాభిరంబ తవ పాదసరోజమూలే
నాకారి కిం మనసి భాగ్యవతాం జనానామ్ || ౧ ||
ఏతావదేవ జనని స్పృహణీయమాస్తే
త్వద్వందనేషు సలిలస్థగితే చ నేత్రే |
సాంనిధ్యముద్యదరుణాయుతసోదరస్య
త్వద్విగ్రహస్య పరయా సుధయాప్లుతస్య || ౨ ||
ఈశత్వనామకలుషాః కతి వా న సంతి
బ్రహ్మాదయః ప్రతిభవం ప్రలయాభిభూతాః |
ఏకః స ఏవ జనని స్థిరసిద్ధిరాస్తే
యః పాదయోస్తవ సకృత్ప్రణతిం కరోతి || 3 ||
లబ్ధ్వా సకృత్రిపురసుందరి తావకీనం
కారుణ్యకందలితకాంతిభరం కటాక్షమ్ |
కందర్పకోటిసుభగాస్త్వయి భక్తిభాజః
సంమోహయంతి తరుణీర్భువనత్రయే2పి || ౪ ||
హ్రీంకారమేవ తవ నామ గృణంతి వేదా
మాతస్త్రికోణనిలయే త్రిపురే త్రినేత్రే |
త్వత్సంస్మృతౌ యమభటాభిభవం విహాయ
దీవ్యంతి నందనవనే సహ లోకపాలైః || ౫ ||
హంతుః పురామధిగలం పరిపీయమానః
క్రూరః కథం న భవితా గరలస్య వేగః |
నాశ్వాసనాయ యది మాతరిదం తవార్థం
దేహస్య శశ్వదమృతాప్లుతశీతలస్య || ౬ ||
సర్వజ్ఞతాం సదసి వాక్పటుతాం ప్రసూతే
దేవి త్వదంఫ్రిసరసీరుహయోః ప్రణామః |
కిం చ స్ఫురన్మకుటముజ్జ్వలమాతపత్రం
ద్వే చామరే చ మహతీం వసుధాం దదాతి || ౭ ||
కల్పద్రుమైరభిమతప్రతిపాదనేషు
కారుణ్యవారిధిభిరంబ భవాత్కటాక్షైః |
ఆలోకయ త్రిపురసుందరి మామనాథం
త్వయ్యేవ భక్తిభరితం త్వయి బద్ధతృష్ణమ్ || ౮ ||
హంతేతరేష్వపి మనాంసి నిధాయ చాన్యే
భక్తిం వహంతి కిల పామరదైవతేషు |
త్వామేవ దేవి మనసా సమనుస్మరామి
త్వామేవ నౌమి శరణం జనని త్వమేవ || ౯ ||
లక్ష్యేషు సత్స్వపి కటాక్షనిరీక్షణానా-
-మాలోకయ త్రిపురసుందరి మాం కదాచిత్ |
నూనం మయా తు సదృశః కరుణైకపాత్రం
జాతో జనిష్యతి జనో న చ జాయతే వా || ౧౦ ||
హ్రీం హ్రీమితి ప్రతిదినం జపతాం తవాఖ్యాం
కిం నామ దుర్లభమిహ త్రిపురాధివాసే |
మాలాకిరీటమదవారణమాననీయా
తాన్సేవతే వసుమతీ స్వయమేవ లక్ష్మీః || ౧౧ ||
సంపత్కరాణి సకలేంద్రియనందనాని
సామ్రాజ్యదాననిరతాని సరోరుహాక్షి |
త్వద్వందనాని దురితాహరణోద్యతాని
మామేవ మాతరనిశం కలయంతు నాన్యమ్ || ౧౨ ||
కల్పోపసంహృతిషు కల్పితతాండవస్య
దేవస్య ఖండపరశోః పరభైరవస్య |
పాశాంకుశైక్షవశరాసనపుష్పబాణా
సా సాక్షిణీ విజయతే తవ మూర్తిరేకా || ౧౩ ||
లగ్నం సదా భవతు మాతరిదం తవార్ధం
తేజః పరం బహులకుంకుమపంకశోణమ్ |
భాస్వత్కిరీటమమృతాంశుకలావతంసం
మధ్యే త్రికోణనిలయం పరమామృతార్ధమ్ || ౧౪ ||
హ్రీంకారమేవ తవ నామ తదేవ రూపం
త్వన్నామ దుర్లభమిహ త్రిపురే గృణంతి |
త్వత్తేజసా పరిణతం వియదాదిభూతం
సౌఖ్యం తనోతి సరసీరుహసంభవాదేః || ౧౫ ||
హ్రీంకారత్రయసంపుటేన మహతా మంత్రేణ సందీపితం
స్తోత్రం యః ప్రతివాసరం తవ పురో మాతర్జపేన్మంత్రవిత్ |
తస్య క్షోణిభుజో భవంతి వశగా లక్ష్మీశ్చిరస్థాయినీ
వాణీ నిర్మలసూక్తిభారభారితా జాగర్తి దీర్ఘం వయః || ౧౬ ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ కల్యాణవృష్టి స్తవః |
Conclusion (ముగింపు)
కల్యాణ వృష్టి స్తవం ను రోజూ లేదా శుక్రవారం లాంటి శుభదినాల్లో చదివితే మన జీవితంలో సానుకూల మార్పులు కనిపిస్తాయి. మన ఆలోచనలు శాంతిగా మారతాయి, మనసులో ధైర్యం పెరుగుతుంది. ముఖ్యంగా వివాహ సంబంధమైన సమస్యలు మెల్లగా పరిష్కారం వైపు వెళ్తాయని అనుభవం ఉన్న భక్తులు చెబుతారు. నమ్మకంతో, ఓర్పుతో ఈ స్తోత్రాన్ని పఠిస్తే దేవి అనుగ్రహం తప్పక మన జీవితంలో ప్రతిఫలిస్తుంది.