శ్రీ వరాహ సహస్రనామ స్తోత్రం
శ్రీ వరాహ సహస్రనామ స్తోత్రం అనేది శ్రీ మహావిష్ణువు వరాహ అవతారాన్ని స్మరించుకునే పవిత్ర స్తోత్రం. వరాహ స్వామి ధర్మాన్ని కాపాడే శక్తి, భూమిని రక్షించిన దైవ స్వరూపం. ఈ స్తోత్రాన్ని పఠించేటప్పుడు మనలో ధైర్యం, స్థిరత్వం పెరుగుతాయి. జీవితం లో కష్టకాలం ఎదురవుతున్నప్పుడు, లోపల బలం కావాలనుకునే వారికి ఈ స్తోత్రం ఎంతో ఉపకరిస్తుంది.
 |
| Sri Varaha Sahasranama Stotram |
శంకర ఉవాచ
యః పూజయేత్పరాత్మానం శ్రీముష్ణేశం మహాప్రభుం |
వరాహస్య సహస్రేణ నామ్నాం పుష్పసహస్రకైః ||1||
హతకంటకసామ్రాజ్యం లభాతే నాత్ర సంశయః |
పార్వత్యువాచ
కిం తన్నామసహస్రం మే యేన సామ్రాజ్యమాప్నుయాత్ ||2||
బ్రూహి శంకర తత్ప్రీత్యా వరాహస్య మహాత్మనః |
శ్రుత్వా వరాహమాహామ్యం న తృప్తిర్జాయతే క్వచిత్ ||3||
కో ను తృప్యేత తనుభృద్గుణసారవిదాం వర |
శంకర ఉవాచ
శృణు దేవి ప్రవక్ష్యామి పవిత్రం మంగలం పరం ||4||
ధన్యం యశస్యమాయుష్యం గోప్యాద్గోప్యతరం మహత్ |
ఇదం పురా న కస్యాపి ప్రోక్తం గోప్యం తవాపి చ ||5||
తథాఽపి చ ప్రవక్ష్యామి మదంగార్ధశరీరిణి |
సదాశివ ఋషిస్తస్య వరాహో దేవతా స్మృతః ||6||
ఛందోఽనుష్టుప్ విశ్వనేతా కీలకం చ శరాగ్రభృత్ |
హ్రీం బీజమస్త్రం క్లీంకారః కవచం శ్రీమిహోచ్యతే ||7||
విశ్వాత్మా పరమో మంత్రో మంత్రరాజముదీరయేత్ |
హుంకారం హృదయే న్యస్య వరాహాయేతి ముర్ధని ||8||
భూర్భువః స్వః శిఖాయాం చ నేత్రయోర్భూపతిం న్యసేత్ |
సర్వజ్ఞాయ నమోఽస్త్రం చ శ్రీం హ్రీం క్లిం హుం చ భూమపి ||9||
హాం హీం హూం హైం హౌం హ ఇతి స్వీయాంగుష్ఠద్వయాదికః |
ఏవం స్వాంగకృతన్యాసో మంత్రమేతముదీరయేత్ ||10||
నమః శ్వేతవరాహాయ నమస్తే పరమాత్మనే |
లక్ష్మీనాథాయ నాథాయ శ్రీముష్ణ బ్రహ్మణే నమః ||11||
ఓం శ్రీవరాహో భూవరాహః పరం జ్యోతిః పరాత్పరః |
పరమః పురుషః సిద్ధో విభుర్వ్యోమచరో బలీ ||12||
అద్వితీయః పరం బ్రహ్మ సచ్చిదానందవిగ్రహః |
నిర్ద్వంద్వో నిరహంకారో నిర్మాయో నిశ్చయలోఽమలః ||13||
విశిఖో విశ్వరూపశ్చ విశ్వదృగ్విశ్వభావనః |
విశ్వాత్మా విశ్వనేతా చ విమలో వీర్యవర్ధనః ||14||
విశ్వకర్మా వినోదీ చ విశ్వేశో విశ్వమంగలః |
విశ్వో వసుంధరానాథో వసురేతా విరోధహృత్ ||15||
హిరణ్యగర్భో హర్యశ్వో దైత్యారిర్హరిసేవితః |
మహాతపా మహాదర్శో మనోజ్ఞో నైకసాధనః ||16||
సర్వాత్మా సర్వవిఖ్యాతః సర్వసాక్షీ సతాం పతిః |
సర్వగః సర్వభూతాత్మా సర్వదోషవివర్జితః ||17||
సర్వభూతహితోఽసంగః సత్యః సత్యవ్యవస్థితః |
సత్యకర్మా సత్యపతిః సర్వసత్యప్రియో మతః ||18||
ఆధివ్యాధిభియో హర్తా మృగాంగో నియమప్రియః |
బలవీరస్తపః శ్రేష్ఠో గుణకర్తా గుణీ బలీ ||19||
అనంతః ప్రథమో మంత్రః సర్వభావవిదవ్యయః |
సహస్రనామా చానంతోఽనంతరూపో రమేశ్వరః ||20||
అగాధనిలయోఽపారో నిరాకారో నిరాయుధః |
అమోఘదృగమేయాత్మా వేదవేద్యో విశాం పతిః ||21||
విహృతిర్విభవో భవ్యో భవహీనో భవాంతకః |
భక్తప్రియః పవిత్రాంఘ్రిః సునాసః పవనార్చితః ||22||
భజనీయగుణోఽదృశ్యో భద్రో భద్రయశా హరిః |
వేదాంతకృద్వేదవంద్యో వేదాధ్యయనతత్పరః ||23||
వేదగోప్తా ధర్మగోప్తా వేదమార్గప్రవర్తకః |
వేదాంతవేద్యో వేదాత్మా వేదాతీతో జగత్ప్రియః ||24||
జనార్దనో జనాధ్యక్షో జగదీశో జనేశ్వరః |
సహస్రబాహుః సత్యాత్మా హేమాంగో హేమభూషణః ||25||
హరిద(తా)శ్వప్రియో నిత్యో హరిః పూర్ణో హలాయుధః |
అంబుజాక్షోఽమ్బుజాధారో నిర్జరశ్చ నిరంకుశః ||26||
నిష్ఠురో నిత్యసంతోషో నిత్యానందపదప్రదః |
నిర్జరేశో నిరాలంబో నిర్గుణోఽపి గుణాన్వితః ||27||
మహామాయో మహావీర్యో మహాతేజా మదోద్ధతః |
మనోఽభిమానీ మాయావీ మానదో మానల(ర)క్షణః ||28||
మందో మానీ మనః కల్పో మహాకల్పో మహేశ్వరః |
మాయాపతిర్మానపతిర్మనసః పతిరీశ్వరః ||29||
అక్షోభ్యో బాహ్య ఆనందీ అనిర్దేశ్యోఽపరాజితః |
అజోఽనంతోఽప్రమేయశ్చ సదానందో జనప్రియః ||30||
అనంతగుణగంభీర ఉగ్రకృత్పరివేష్టనః |
జితేంద్రియో జితక్రోధో జితామిత్రో జయోఽజయః ||31||
సర్వారిష్టార్తిహా సర్వహృదంతరనివాసకః |
అంతరాత్మా పరాత్మా చ సర్వాత్మా సర్వకారకః ||32||
గురుః కవిః కిటిః కాంతః కంజాక్షః ఖగవాహనః |
సుశర్మా వరదః శార్ఙ్గీ సుదాసాభీష్టదః ప్రభుః ||33||
ఝిల్లికాతనయః ప్రేషీ ఝిల్లికాముక్తిదాయకః |
గుణజిత్కథితః కాలః క్రోడః కోలః శ్రమాపహః ||34||
కిటిః కృపాకరః స్వామీ సర్వదృక్సర్వగోచరః |
యోగాచార్యో మతో వస్తు బ్రహ్మణ్యో వేదసత్తమః ||35||
మహాలంబోష్ఠకశ్చైవ మహాదేవో మనోరమః |
ఊర్ధ్వబాహురిభస్థూలః శ్యేనః సేనాపతిః ఖనిః ||36||
దీర్ఘాయుః శంకరః కేశీ సుతీర్థో మేఘనిఃస్వనః |
అహోరాత్రః సూక్తవాకః సుహృన్మాన్యః సువర్చలః ||37||
సారభృత్సర్వసారశ్చ సర్వగ్ర(గ్రా)హః సదాగతిః |
సూర్యశ్చంద్రః కుజో జ్ఞశ్చ దేవమంత్రీ భృగుః శనిః ||38||
రాహుః కేతుర్గ్రహపతిర్యజ్ఞభృద్యజ్ఞసాధనః |
సహస్రపాత్సహస్రాక్షః సోమకాంతః సుధాకరః ||39||
యజ్ఞో యజ్ఞపతిర్యాజీ యజ్ఞాంగో యజ్ఞవాహనః |
యజ్ఞాంతకృద్యజ్ఞగుహ్యో యజ్ఞకృద్యజ్ఞసాధకః ||40||
ఇడాగర్భః స్రవత్కర్ణో యజ్ఞకర్మఫలప్రదః |
గోపతిః శ్రీపతిర్ఘోణస్త్రికాలజ్ఞః శుచిశ్రవాః ||41||
శివః శివతరః శూరః శివప్రేష్ఠః శివార్చితః |
శుద్ధసత్త్వః సురార్తిఘ్నః క్షేత్రజ్ఞోఽక్షర ఆదికృత్ ||42||
శంఖీ చక్రీ గదీ ఖడ్గీ పద్మీ చండపరాక్రమః
చండః కోలాహలః శార్ఙ్గీ స్వయంభూరగ్ర్యభుగ్విభుః ||43||
సదాచారః సదారంభో దురాచారనివర్తకః |
జ్ఞానీ జ్ఞానప్రియోఽవజ్ఞో జ్ఞానదోఽజ్ఞానదో యమీ ||44||
లయోదకవిహారీ చ సామగానప్రియో గతిః |
యజ్ఞమూర్తిస్త్రిలోకేశస్త్రిధామా కౌస్తుభోజ్జ్వలః ||46||
శ్రీవత్సలాంఛనః శ్రీమాన్శ్రీధరో భూధరోఽర్భకః |
వరుణో వారుణో వృక్షో వృషభో వర్ధనో వరః ||47||
యుగాదికృద్యుగావర్తః పక్షో మాస ఋతుర్యుగః |
వత్సరో వత్సలో వేదః శిపివిష్టః సనాతనః ||48||
ఇంద్రత్రాతా భయత్రాతా క్షుద్రకృత్క్షుద్రనాశనః |
మహాహనుర్మహాఘోరో మహాదీప్తిర్మహావ్రతః ||49||
మహాపాదో మహాకాలో మహాకాయో మహాబలః |
గంభీరఘోషో గంభీరో గభీరో ఘుర్ఘురస్వనః ||50||
ఓంకారగర్భో న్యగ్రోధో వషట్కారో హుతాశనః |
భూయాన్బహుమతో భూమా విశ్వకర్మా విశాంపతిః ||51||
వ్యవసాయోఽఘమర్షశ్చ విదితోఽభ్యుత్థితో మహః |
బలబిద్బలవాందండీ వక్రదంష్ట్రో వశో వశీ ||52||
సిద్ధః సిద్ధిప్రదః సాధ్యః సిద్ధసంకల్ప ఊర్జవాన్ |
ధృతారిరసహాయశ్చ సుముఖో బడవాముఖః ||53||
వసుర్వసుమనాః సామశరీరో వసుధాప్రదః |
పీతాంబరీ వాసుదేవో వామనో జ్ఞానపంజరః ||54||
నిత్యతృప్తో నిరాధారో నిఃసంగో నిర్జితామరః |
నిత్యముక్తో నిత్యవంద్యో ముక్తవంద్యో మురాంతకః ||55||
బంధకో మోచకో రుద్రో యుద్ధసేనావిమర్దనః |
ప్రసారణో నిషేధాత్మా భిక్షుర్భిక్షుప్రియో ఋజుః ||56||
మహాహంసో భిక్షురూపీ మహాకందో మహాశనః |
మనోజవః కాలకాలః కాలమృత్యుః సభాజితః ||57||
ప్రసన్నో నిర్విభావశ్చ భూవిదారీ దురాసదః |
వసనో వాసవో విశ్వవాసవో వాసవప్రియః ||58||
సిద్ధయోగీ సిద్ధకామః సిద్ధికామః శుభార్థవిత్ |
అజేయో విజయీంద్రశ్చ విశేషజ్ఞో విభావసుః ||59||
ఈక్షామాత్రజగత్స్రష్టా భ్రూభంగనియతాఖిలః |
మహాధ్వగో దిగీశేశో మునిమాన్యో మునీశ్వరః ||60||
మహాకాయో వజ్రకాయో వరదో వాయువాహనః |
వదాన్యో వజ్రభేదీ చ మధుహృత్కలిదోషహా ||61||
వాగీశ్వరో వాజసనో వానస్పత్యో మనోరమః |
సుబ్రహ్మణ్యో బ్రహ్మధనో బ్రహ్మణ్యో బ్రహ్మవర్ధనః ||62||
విష్టంభీ విశ్వహస్తశ్చ విశ్వాహో విశ్వతోముఖః |
అతులో వసువేగోఽర్కః సమ్రాట్ సామ్రాజ్యదాయకః ||63||
శక్తిప్రియః శక్తిరూపో మారశక్తివిభంజనః |
స్వతంత్రః సర్వతంత్రజ్ఞో మీమాంసితగుణాకరః ||64||
అనిర్దేశ్యవపుః శ్రీశో నిత్యశ్రీర్నిత్యమంగలః |
నిత్యోత్సవో నిజానందో నిత్యభేదీ నిరాశ్రయః ||65||
అంతశ్చరో భవాధీశో బ్రహ్మయోగీ కలాప్రియః |
గోబ్రాహ్మణహితాచారో జగద్ధితమహావ్రతః ||66||
దుర్ధ్యేయశ్చ సదాధ్యేయో దుర్వాసాదివిబోధనః |
దురాపో దుర్ధియాం గోప్యో దూరాద్దూరః సమీపగః ||67||
వృషాకపిః కపిః కార్యః కారణః కారణక్రమః |
జ్యోతిషాం మథనజ్యోతిః జ్యోతిశ్చక్రప్రవర్తకః ||68||
ప్రథమో మధ్యమస్తారః సుతీక్ష్ణోదర్కకార్యవాన్ |
సురూపశ్చ సదావేత్తా సుముఖః సుజనప్రియః ||69||
మహావ్యాకరణాచార్యః శిక్షాకల్పప్రవర్తకః |
స్వచ్ఛశ్ఛందోమయః స్వేచ్ఛాస్వాహితార్థవినాశనః ||70||
సాహసీ సర్వహంతా చ సమ్మతోఽనిందితోఽసకృత్ |
కామరూపః కామపాలః సుతీర్థ్యోఽథ క్షపాకరః ||71||
జ్వాలీ విశాలశ్చ పరో వేదకృజ్జనవర్ధనః |
వేద్యో వైద్యో మహావేదీ వీరహా విషమో మహః ||72||
ఈతిభానుర్గ్రహశ్చైవ ప్రగ్రహో నిగ్రహోఽగ్నిహా |
ఉత్సర్గః సన్నిషేధశ్చ సుప్రతాపః ప్రతాపధృత్ ||73||
సర్వాయుధధరః శాలః సురూపః సప్రమోదనః |
చతుష్కిష్కుః సప్తపాదః సింహస్కంధస్త్రిమేఖలః ||74||
సుధాపానరతోఽరిఘ్నః సురమేడ్యః సులోచనః |
తత్త్వవిత్తత్త్వగోప్తా చ పరతత్త్వం ప్రజాగరః ||75||
ఈశాన ఈశ్వరోఽధ్యక్షే మహామేరురమోఘదృక్ |
భేదప్రభేదవాదీ చ స్వాద్వైతపరినిష్ఠితః ||76||
భాగహారీ వంశకరో నిమిత్తస్థో నిమిత్తకృత్ |
నియంతా నియమో యంతా నందకో నందివర్ధనః ||77||
షడ్వింశకో మహావిష్ణుర్బ్రహ్మజ్ఞో బ్రహ్మతత్పరః |
వేదకృన్నామ చానంతనామా శబ్దాతిగః కృపః ||78||
దంభో దంభకరో దంభవంశో వంశకరో వరః |
అజనిర్జనికర్తా చ సురాధ్యక్షే యుగాంతకః ||79||
దర్భరోమా బుధాధ్యక్షే మానుకూలో మదోద్ధతః |
శంతనుః శంకరః సూక్ష్మః ప్రత్యయశ్చండశాసనః ||80||
వృత్తనాసో మహాగ్రీవః కుంబుగ్రీవో మహానృణః |
వేదవ్యాసో దేవభూతిరంతరాత్మా హృదాలయః ||81||
మహాభాగో మహాస్పర్శో మహామాత్రో మహామనాః |
మహోదరో మహోష్ఠశ్చ మహాజిహ్వో మహాముఖః ||82||
పుష్కరస్తుంబురుః ఖేటీ స్థావరః స్థితిమత్తరః |
శ్వాసాయుధః సమర్థశ్చ వేదార్థః సుసమాహితః ||83||
వేదశీర్షః ప్రకాశాత్మా ప్రమోదః సామగాయనః |
అంతర్భావ్యో భావితాత్మా మహీదాసో దివస్పతిః ||84||
మహాసుదర్శనో విద్వానుపహారప్రియోఽచ్యుతః |
అనలో ద్విశఫో గుప్తః శోభనో నిరవగ్రహః ||85||
భాషాకరో మహాభర్గః సర్వదేశవిభాగకృత్ |
కాలకంఠో మహాకేశో లోమశః కాలపూజితః ||86||
ఆసేవనోఽవసానాత్మా బుద్ధ్యాత్మా రక్తలోచనః |
నారంగో నరకోద్ధర్తా క్షేత్రపాలో దురిష్టహా ||87||
హుంకారగర్భో దిగ్వాసాః బ్రహ్మేంద్రాధిపతిర్బలః |
వర్చస్వీ బ్రహ్మవదనః క్షత్రబాహుర్విదూరగః ||88||
చతుర్థపాచ్చతుష్పాచ్చ చతుర్వేదప్రవర్తకః |
చాతుర్హోత్రకృదవ్యక్తః సర్వవర్ణవిభాగకృత్ ||89||
మహాపతిర్గృహపతిర్విద్యాధీశో విశాంపతిః |
అక్షరోఽధోక్షజోఽధూర్తో రక్షితా రాక్షసాంతకృత్ ||90||
రజఃసత్త్వతమోహాంతా కూటస్థః ప్రకృతేః పరః |
తీర్థకృత్తీర్థవాసీ చ తీర్థరూపో హ్యపాం పతిః ||91||
పుణ్యబీజః పురాణర్షిః పవిత్రః పరమోత్సవః |
శుద్ధికృచ్ఛుద్ధిదః శుద్ధః శుద్ధసత్త్వనిరూపకః ||92||
సుప్రసన్నః శుభార్హోఽథ శుభదిత్సుః శుభప్రియః |
యజ్ఞభాగభుజాం ముఖ్యో యక్షగానప్రియో బలీ ||93||
సమోఽథ మోదో మోదాత్మా మోదదో మోక్షదస్మృతిః |
పరాయణః ప్రసాదశ్చ లోకబంధుర్బృహస్పతిః ||94||
లీలావతారో జననవిహీనో జన్మనాశనః |
మహాభీమో మహాగర్తో మహేష్వాసో మహోదయః ||95||
అర్జునో భాసురః ప్రఖ్యో విదోషో విష్టరశ్రవాః |
సహస్రపాత్సభాగ్యశ్చ పుణ్యపాకో దురవ్యయః ||96||
కృత్యహీనో మహావాగ్మీ మహాపాపవినిగ్రహః |
తేజోఽపహారీ బలవాన్ సర్వదాఽరివిదూషకః ||97||
కవిః కంఠగతిః కోష్ఠో మణిముక్తాజలాప్లుతః |
అప్రమేయగతిః కృష్ణో హంసశ్చైవ శుచిప్రియః ||98||
విజయీంద్రః సురేంద్రశ్చ వాగింద్రో వాక్పతిః ప్రభుః |
తిరశ్చీనగతిః శుక్లః సారగ్రీవో ధరాధరః ||99||
ప్రభాతః సర్వతోభద్రో మహాజంతుర్మహౌషధిః |
ప్రాణేశో వర్ధకస్తీవ్రప్రవేశః పర్వతోపమః ||100||
సుధాసిక్తః సదస్యస్థో రాజరాట్ దండకాంతకః |
ఊర్ధ్వకేశోఽజమీఢశ్చ పిప్పలాదో బహుశ్రవాః ||101||
గంధర్వోఽభ్యుదితః కేశీ వీరపేశో విశారదః |
హిరణ్యవాసాః స్తబ్ధాక్షో బ్రహ్మలాలితశైశవః ||102||
పద్మగర్భో జంబుమాలీ సూర్యమండలమధ్యగః |
చంద్రమండలమధ్యస్థః కరభాగగ్నిసంశ్రయః ||103||
అజీగర్తః శాకలాగ్ర్యః సంధానః సింహవిక్రమః |
ప్రభావాత్మా జగత్కాలః కాలకాలో బృహద్రథః ||104||
సారాంగో యతమాన్యశ్చ సత్కృతిః శుచిమండలః |
కుమారజిద్వనేచారీ సప్తకన్యామనోరమః ||105||
ధూమకేతుర్మహాకేతుః పక్షికేతుః ప్రజాపతిః |
ఊర్ధ్వరేతా బలోపాయో భూతావర్తః సజంగమః ||106||
రవిర్వాయుర్విధాతా చ సిద్ధాంతో నిశ్చలోఽచలః |
ఆస్థానకృదమేయాత్మాఽనుకూలశ్చాధికో భువః ||107||
హ్రస్వః పితామహోఽనర్థః కాలవీర్యో వృకోదరః |
సహిష్ణుః సహదేవశ్చ సర్వజిచ్ఛాత్రుతాపనః ||108||
పాంచరాత్రపరో హంసీ పంచభూతప్రవర్తకః |
భూరిశ్రవాః శిఖండీ చ సుయజ్ఞః సత్యఘోషణః ||109||
ప్రగాఢః ప్రవణో హారీ ప్రమాణం ప్రణవో నిధిః |
మహోపనిషదో వాక్ చ వేదనీడః కిరీటధృత్ ||110||
భవరోగభిషగ్భావో భావసాఢ్యో భవాతిగః |
షడ్ ధర్మవర్జితః కేశీ కార్యవిత్కర్మగోచరః ||111||
యమవిధ్వంసనః పాశీ యమివర్గనిషేవితః |
మతంగో మేచకో మేధ్యో మేధావీ సర్వమేలకః ||112||
మనోజ్ఞదృష్టిర్మారారినిగ్రహః కమలాకరః |
నమద్గణేశో గోపీడః సంతానః సంతతిప్రదః ||113||
బహుప్రదో బలాధ్యక్షే భిన్నమర్యాదభేదనః |
అనిర్ముక్తశ్చారుదేష్ణః సత్యాషాఢః సురాధిపః ||114||
ఆవేదనీయోఽవేద్యశ్చ తారణస్తరుణోఽరుణః |
సర్వలక్షణలక్షణ్యః సర్వలోకవిలక్షణః ||115||
సర్వదక్షః సుధాధీశః శరణ్యః శాంతవిగ్రహః |
రోహిణీశో వరాహశ్చ వ్యక్తావ్యక్తస్వరూపధృత్ ||116||
స్వర్గద్వారః సుఖద్వారో మోక్షద్వారస్త్రివిష్టపః |
అద్వితీయః కేవలశ్చ కైవల్యపతిరర్హణః ||117||
తాలపక్షస్తాలకరో యంత్రీ తంత్రవిభేదనః |
షడ్రసః కుసుమాస్త్రశ్చ సత్యమూలఫలోదయః ||118||
కలా కాష్ఠా ముహూర్తశ్చ మణిబింబో జగద్ధృణిః |
అభయో రుద్రగీతశ్చ గుణజిద్గుణభేదనః ||119||
దేవాసురవినిర్మాతా దేవాసురనియామకః |
ప్రారంభశ్చ విరామశ్చ సామ్రాజ్యాధిపతిః ప్రభుః ||120||
పండితో గహనారంభః జీవనో జీవనప్రదః |
రక్తదేవో దేవమూలః వేదమూలో మనఃప్రియః ||121||
విరాచనః సుధాజాతః స్వర్గాధ్యక్షో మహాకపిః |
విరాడ్రూపః ప్రజారూపః సర్వదేవశిఖామణిః ||122||
భగవాన్ సుముఖః స్వర్గః మంజుకేశః సుతుందిలః |
వనమాలీ గంధమాలీ ముక్తామాల్యచలోపమః ||123||
ముక్తోఽసృప్యః సుహృద్భ్రాతా పితా మాతా పరా గతిః |
సత్వధ్వనిః సదాబంధుర్బ్రహ్మరుద్రాధిదైవతం ||124||
సమాత్మా సర్వదః సాంఖ్యః సన్మార్గధ్యేయసత్పదః |
ససంకల్పో వికల్పశ్చ కర్తా స్వాదీ తపోధనః ||125||
విరజా విరజానాథః స్వచ్ఛశృంగో దురిష్టహా |
ఘోణో బంధుర్మహాచేష్టః పురాణః పుష్కరేక్షణః ||126||
అహిర్బుధ్న్యో మునిర్విష్ణుర్ధర్మయూపస్తమోహరః |
అగ్రాహ్యశ్శాశ్వతః కృష్ణః ప్రవరః పక్షివాహనః ||127||
కపిలః ఖపథిస్థశ్చ ప్రద్యుమ్నోఽమితభోజనః |
సంకర్షణో మహావాయుస్త్రికాలజ్ఞస్త్రివిక్రమః ||128||
పూర్ణప్రజ్ఞః సుధీర్హృష్టః ప్రబుద్ధః శమనః సదః |
బ్రహ్మాండకోటినిర్మాతా మాధవో మధుసూదనః ||129||
శశ్వదేకప్రకారశ్చ కోటిబ్రహ్మాండనాయకః |
శశ్వద్భక్తపరాధీనః శశ్వదానందదాయకః ||130||
సదానందః సదాభాసః సదా సర్వఫలప్రదః |
ఋతుమానృతుపర్ణశ్చ విశ్వనేతా విభూత్తమః ||131||
రుక్మాంగదప్రియోఽవ్యంగో మహాలింగో మహాకపిః |
సంస్థానస్థానదః స్రష్టా జాహ్నవీవాహధృక్ప్రభుః ||132||
మాండుకేష్టప్రదాతా చ మహాధన్వంతరిః క్షితిః |
సభాపతిసేసిద్ధమూలశ్చరకాదిర్మహాపథః ||133||
ఆసన్నమృత్యుహంతా చ విశ్వాస్యః ప్రాణనాయకః |
బుధో బుధేజ్యో ధర్మేజ్యో వైకుంఠపతిరిష్టదః ||134||
ఫలశ్రుతిః -
ఇతి శ్వేతవరాహస్య ప్రోక్తం హే గిరికన్యకే |
సమస్తభాగ్యదం పుణ్యం భూపతిత్వప్రదాయకం ||135||
మహాపాతకకోటిఘ్నం రాజసూయఫలప్రదం |
య ఇదం ప్రాతరుత్థాయ దివ్యం నామసహస్రకం ||136||
పఠతే నియతో భూత్వా మహాపాపైః ప్రముచ్యతే |
సహస్రనామభిర్దివ్యైః ప్రత్యహం తులసీదలైః ||137||
పూజయేద్యో వరాహం తు శ్రద్ధయా నిష్ఠయాన్వితః |
ఏవం సహస్రనామభిః పుష్పైర్వాథసుగంధిభిః ||138||
అభిజాతకులే జాతో రాజా భవతి నిశ్చితం |
ఏవం నామసహస్రేణ వరాహస్య మహాత్మనః ||139||
న దారిద్ర్యమవాప్నోతి న యాతి నరకం ధ్రువం |
త్రికాలమేకకాలం వా పఠన్ నామసహస్రకం ||140||
మాసమేకం జపేన్మర్త్యో భవిష్యతి జితేంద్రియః |
మహతీం శ్రియమాయుష్యం విద్యాం చైవాధిగచ్ఛతి ||141||
యో వా శ్వేతవరాహస్య దివ్యైర్నామసహస్రకైః |
ప్రవర్తయేన్నిత్యపూజాం దత్వా నిర్వాహముత్తమం ||142||
భవేజ్జన్మసహస్రైస్తు సామ్రాజ్యాధిపతిర్ధ్రువం |
రాత్రౌ శ్వేతవరాహస్య సన్నిధౌ య ఇదం పఠేత్ ||143||
క్షయాపస్మారకుష్ఠాద్యైర్మహారోగైస్తథాఽపరైః |
మాసాదేవ వినిర్ముక్తః స జీవేచ్ఛరదాం శతం ||144||
సర్వేషు పుణ్యకాలేషు పఠన్నామసహస్రకం |
సర్వపాపవినిర్ముక్తో లభతే శాశ్వతం పదం ||145||
సహస్రనామపఠనాద్వరాహస్య మహాత్మనః |
న గ్రహోపద్రవం యాతి యాతి శత్రుక్షయం తథా ||146||
రాజా చ దాసతాం యాతి సర్వే యాంతి చ మిత్రతాం |
శ్రియశ్చ స్థిరతాం యాంతి యాంతి సర్వేఽపి సౌహృదం ||147||
రాజదస్యుగ్రహాదిభ్యో వ్యాధ్యాధిభ్యశ్చ కించన |
న భయం జాయతే క్వాపి వృద్ధిస్తస్య దినే దినే ||148||
విప్రస్తు విద్యామాప్నోతి క్షత్రియో విజయీ భవేత్ |
వార్ధుష్యవిభవం యాతి వైశ్యః శూద్రః సుఖం వ్రజేత్ ||149||
సకామః కామమాప్నోతి నిష్కామో మోక్షమాప్నుయాత్ |
మహారాక్షసవేతాలభూతప్రేతపిశాచకాః ||150||
రోగాః సర్పవిషాద్యాశ్చ నశ్యంత్యస్య ప్రభావతః |
య ఇదం శృణుయాన్నిత్యం యశ్చాపి పరికీర్తయేత్ |
నామంగలమవాప్నోతి సోఽముత్రేహ చ మానవః ||151||
నమః శ్వేతవరాహాయ నమస్తే పరమాత్మనే |
లక్ష్మీనాథాయ నాథాయ శ్రీముష్ణబ్రహ్మణే నమః ||152||
యః పఠేచ్ఛృణుయాన్నిత్యం ఇమం మంత్రం నగాత్మజే |
స పాపపాశనిర్ముక్తః ప్రయాతి పరమాం గతిం ||153||
ఇతి శ్రీవరాహసహస్రనామస్తోత్రం సంపూర్ణం |
శ్రీ వరాహ సహస్రనామ స్తోత్రాన్ని భక్తితో, శ్రద్ధతో నిత్యం పఠిస్తే మనసులో భయం తగ్గుతుంది. ఆలోచనలు స్థిరంగా మారి, సమస్యలను ఎదుర్కొనే ధైర్యం వస్తుంది. ఇది కేవలం నామపఠనం మాత్రమే కాదు, మన లోపలి శక్తిని మేల్కొలిపే సాధన. నమ్మకంతో ఈ స్తోత్రాన్ని పఠిస్తే శ్రీ వరాహ స్వామి అనుగ్రహం మెల్లగా కానీ బలంగా మన జీవితంలో పనిచేస్తుంది.