శ్రీ దుర్గా చంద్రకళా స్తుతిః
శ్రీ దుర్గా చంద్రకళా స్తుతిః అనేది దుర్గామాత యొక్క చంద్రమండల సౌమ్య స్వరూపాన్ని స్తుతించే పవిత్రమైన స్తోత్రం. “చంద్రకళా” అంటే చంద్రుని కళల వంటి శాంతి, శుభ్రత, శీతల కాంతి. ఈ స్తుతిలో అమ్మవారి కరుణ, జ్ఞానం, దివ్య సౌందర్యం ఎంతో మృదువుగా వర్ణించబడుతుంది. భక్తితో ఈ స్తుతిని పఠిస్తే మనసులోని ఆందోళనలు తగ్గి, ప్రశాంతత మరియు ఆనందం పెరుగుతాయి. ఇది ఉగ్రశక్తి కంటే సౌమ్యశక్తిని అనుభూతి చేసే ఆధ్యాత్మిక సాధన.
 |
| Sri Durga Chandrakala Stuti |
వేధోహరీశ్వరస్తుత్యాం విహర్త్రీం వింధ్యభూధరే |
హరప్రాణేశ్వరీం వందే హంత్రీం విబుధవిద్విషాం || 1 ||
అభ్యర్థనేన సరసీరుహసంభవస్య
త్యక్త్వోదితా భగవదక్షిపిధానలీలాం |
విశ్వేశ్వరీ విపదపాకరణే పురస్తాత్
మాతా మమాస్తు మధుకైటభయోర్నిహంత్రీ || 2 ||
ప్రాఙ్నిర్జరేషు నిహతైర్నిజశక్తిలేశైః
ఏకీభవద్భిరుదితాఽఖిలలోకగుప్త్యై |
సంపన్నశస్త్రనికరా చ తదాయుధస్థైః
మాతా మమాస్తు మహిషాంతకరీ పురస్తాత్ || 3 ||
ప్రాలేయశైలతనయా తనుకాంతిసంపత్
కోశోదితా కువలయచ్ఛవిచారుదేహా |
నారాయణీ నమదభీప్సితకల్పవల్లీ
సుప్రీతిమావహతు శుంభనిశుంభహంత్రీ || 4 ||
విశ్వేశ్వరీతి మహిషాంతకరీతి యస్యాః
నారాయణీత్యపి చ నామభిరంకితాని |
సూక్తాని పంకజభువా చ సురర్షిభిశ్చ
దృష్టాని పావకముఖైశ్చ శివాం భజే తాం || 5 ||
ఉత్పత్తిదైత్యహననస్తవనాత్మకాని
సంరక్షకాణ్యఖిలభూతహితాయ యస్యాః |
సూక్తాన్యశేషనిగమాంతవిదః పఠంతి
తాం విశ్వమాతరమజస్రమభిష్టవీమి || 6 ||
యే వైప్రచిత్తపునరుత్థితశుంభముఖ్యైః
దుర్భిక్షఘోరసమయేన చ కారితాసు |
ఆవిష్కృతాస్త్రిజగదార్తిషు రూపభేదాః
తైరంబికా సమభిరక్షతు మాం విపద్భ్యః || 7 ||
సూక్తం యదీయమరవిందభవాది దృష్టం
ఆవర్త్య దేవ్యనుపదం సురథః సమాధిః |
ద్వావప్యవాపతురభీష్టమనన్యలభ్యం
తామాదిదేవతరుణీం ప్రణమామి మూర్ధ్నా || 8 ||
మాహిష్మతీతనుభవం చ రురుం చ హంతుం
ఆవిష్కృతైర్నిజరసాదవతారభేదైః |
అష్టాదశాహతనవాహతకోటిసంఖ్యైః
అంబా సదా సమభిరక్షతు మాం విపద్భ్యః || 9 ||
ఏతచ్చరిత్రమఖిలం లిఖితం హి యస్యాః
సంపూజితం సదన ఏవ నివేశితం వా |
దుర్గం చ తారయతి దుస్తరమప్యశేషం
శ్రేయః ప్రయచ్ఛతి చ సర్వముమాం భజే తాం || 10 ||
యత్పూజనస్తుతినమస్కృతిభిర్భవంతి
ప్రీతాః పితామహరమేశహరాస్త్రయోఽపి |
తేషామపి స్వకగుణైర్దదతీ వపూంషి
తామీశ్వరస్య తరుణీం శరణం ప్రపద్యే || 11 ||
కాంతారమధ్యదృఢలగ్నతయాఽవసన్నాః
మగ్నాశ్చ వారిధిజలే రిపుభిశ్చ రుద్ధాః |
యస్యాః ప్రపద్య చరణౌ విపదస్తరంతి
సా మే సదాఽస్తు హృది సర్వజగత్సవిత్రీ || 12 ||
బంధే వధే మహతి మృత్యుభయే ప్రసక్తే
విత్తక్షయే చ వివిధే య మహోపతాపే |
యత్పాదపూజనమిహ ప్రతికారమాహుః
సా మే సమస్తజననీ శరణం భవానీ || 13 ||
బాణాసురప్రహితపన్నగబంధమోక్షః
తద్బాహుదర్పదలనాదుషయా చ యోగః |
ప్రాద్యుమ్నినా ద్రుతమలభ్యత యత్ప్రసాదాత్
సా మే శివా సకలమప్యశుభం క్షిణోతు || 14 ||
పాపః పులస్త్యతనయః పునరుత్థితో మాం
అద్యాపి హర్తుమయమాగత ఇత్యుదీతం |
యత్సేవనేన భయమిందిరయాఽవధూతం
తామాదిదేవతరుణీం శరణం గతోఽస్మి || 15 ||
యద్ధ్యానజం సుఖమవాప్యమనంతపుణ్యైః
సాక్షాత్తమచ్యుత పరిగ్రహమాశ్వవాపుః |
గోపాంగనాః కిల యదర్చనపుణ్యమాత్రాః
సా మే సదా భగవతీ భవతు ప్రసన్నా || 16 ||
రాత్రిం ప్రపద్య ఇతి మంత్రవిదః ప్రపన్నాన్
ఉద్బోధ్య మృత్యువధిమన్యఫలైః ప్రలోభ్య |
బుద్ధ్వా చ తద్విముఖతాం ప్రతనం నయంతీం
ఆకాశమాదిజననీం జగతాం భజే తాం || 17 ||
దేశకాలేషు దుష్టేషు దుర్గాచంద్రకలాస్తుతిః |
సంధ్యయోరనుసంధేయా సర్వాపద్వినివృత్తయే || 18 ||
ఇతి శ్రీమదపయ్యదీక్షితవిరచితా దుర్గాచంద్రకళాస్తుతిః ||
శ్రీ దుర్గా చంద్రకళా స్తుతిని నిత్యం శ్రద్ధతో పఠిస్తే మనసుకు గాఢమైన శాంతి లభిస్తుంది. ఆలోచనలు స్థిరంగా మారి, హృదయంలో దైవ విశ్వాసం పెరుగుతుంది. ఇది కేవలం స్తోత్రపఠనం మాత్రమే కాదు — అమ్మవారి శీతల కరుణను అనుభూతి చేసే మార్గం. విశ్వాసంతో పఠించే ప్రతి భక్తునికి దుర్గాదేవి సౌమ్య అనుగ్రహం తప్పక లభిస్తుంది.